by: Sherry L. Reames (Editor)
from: Middle English Legends of Women Saints 2003
Jump to navigation
Seint Fretheswyde, that holy mayde, was of Englonde;
Atte Oxenford heo was ybore, as ich understonde.
Hir fader hete Kyng Dydan, and Sefreth hete the quene -
This were hire eldren, that hure gotten hem bytwene.
Fretheswyd, hure yonge doughter, to lettre hii setten in youthe;
So wel heo spedde in six monnthes that heo hure Sauter couthe.1
Swythe wel heo was byloved, of hey and of lowe;
Alle hii hadde joie of hure that couthen hure knowe.
Of the hard here was hure nexte wede.
The meste mete that heo ete was worten and barly brede,2
And the cold welle water - that was hure drynke.
Now wold a knyghtes doughter grete hoker of suche sondes thynke!3
The maide bysoght hure fadere to make hure nonne
In Seint Marie churche, that he hadde er bygonne.
Hire fadere was the furste man that lete the churche rere
That bereth the nam now of that mayde that lyth yschryned ther.
The king was glad of this chyld, that to clene lyf drowe.
He sende after a byschop anon hasteliche ynowe
Of Lyncolne that was tho4 - Edgar was his name -
To maken his doughter nonne ne thoght hym no schame.
The byschop for the kynges heste thuder he cam hymsulf
And schar hure in the nonnerie with hire felawes twelve.
A nyght, as this mayde was huresulf alon,
In hire bedes with hire sustren slepen everechon,
The fende hadde envye therof to hire goudhede
And thoght myd som gynne of goud lyf hure lede.
To hire he cam hire to fonde, in one mannes lyche5
In goldbeten clothes that semed swythe ryche.
"My derworth mayde," he sede, "ne thynke thee noght to longe.
Tyme hit is for thy travayle that thou thy mede afonge.6
Ich am thulke that thou byst to: take now goud hede.
Honoure me here, and for thy servyse ich croune thee to mede."7
The fende hadde in his heved an croune of rede golde;
Another he that mayde bede, yif heo hym honoury wolde.
"Fare fram me, thou foule fende with thyn byheste!"
Heo made the croys, and he fley awey with noyse and grete cheste.8
In the holy nonnerie so longe heo lyved ther
That hure fadere and hure modere both ded were.
Algar hete the king after the king Dydan;9
He was king at Oxenford ychose - a wonder luther man.
He ofsende Fretheswyth, to habben hure to wyve.
Heo sede heo was to God ywedded, to hold by hure lyve.
The forward that heo hadde ymade, heo sede heo nolde breke;
If heo dude, wel heo wyste God wold be awreke.
"A foule," heo sede, "ich were the hey King of Hevene forsake10
For gyfte other for anythyng, and thee His hyne take."
The messageres with grete strengthe wolden hure habbe ynome
And don the maide byfor the king anon to hym come.
Alle that weren ther woxen starc blynde;
Bynome hem was the myght the mayde for to fynde!11
The borgeys of Oxenford sore were agaste,
And this holy maide for this men hii beden atte laste,
That heo thorw Godes grace geve hem here syght;
And thennes to the king passe that hii mosten habbe myght.12
Anon hii hadden here syght thorw hire bysechyng;
Thannes hii wende, and al that cas hii toldyn the king.13
The king therfor hym made wroth tho he herd this,
And in grete wrath swor his oth that he wold hire seche, ywys;
And that he hure habbe wolde. Faste he gan to yelpe
And swor that hure wocchecrafte scholde hure lyte helpe.
An angel that sulf nyght to that mayde cam
And bad hire oute of the kinges syght wende, that was so grame.
The levedy wende by nyght fram hure sustren tho
With somme that heo with hure toke - tweyne, witthoute mo.
To Temese heo yede and fonde a bote al preste, thorw Godes sonde,14
And therin heo fonde an angel that broght hem to the londe.
For dred of the king heo wende, as God hit wolde,
Ne dorste heo come at non toune, to dwelle at non holde.
In a wode that Benesy yclyped ys al day
Thre wynter in an hole woned, that seylde me hure say.15
A mayde that seve yere ne myght nothing yse
Cam to hure in the wode, and felle adoun a kne.
Hure eyghen that holy mayde wysche with water of hure honde,
And as hole as any fysche that maide gan up stonde.
The king hym cam to Oxenford, wroth and eke wode,
And thoght to do the mayde other than goud.
So sone so he to toune cam, he thoghte for to fyght
And habbe this maide Fretheswythe with strengthe agenryght.16
He enquered ware heo was. Me told hym sone that cas:
That heo in the wode of Benysye preveliche yhydde was.
The king rod toward the wode with hauke and with racche,
For to enserchy after this mayde yf he myght cache.
Tho this maide this yherd, anon heo bygan to fle
Priveliche toward Oxenford, that non scholde hure se;
So that heo was underyute that heo was fleynde.
After hure me wende faste; the king rod ernyng.17
The mayde scaped into the toune, as hit was Godes grace.
The kinges hors spornde witthoute the gate in a wel faire place
And felle and brake the kinges necke; and that he gan awynne.18
Nas ther non of his men tho that derst come withinne.
The maide holde hure ther in pes fram alle hure fon.
Glad was that myght with hure speke other to hure gon.
Of hure holy lyf me told fer and eke nere,
Into alle Englonde that me wyste nas yholde hure pere.
A wel swythe wondere cas byfelle oppon a day
Up a fyscher that in a bote with his felawes aslepe lay.19
He bygan to ravien as he awoke of slepe.
Up among his felawes, wod he gan to lepe,
So that on that ther was among hem alle he slowe;
And wan he was afalle, with his teth on hym he gnowe.
Alle that myght to hym come on hym setten honde,
And uneth with muche pyne hii teyghede hym and bonde.
Al hii wer busie that foule goste to lede
Toward that holy mayde, that heo for hym bede.
The maide fourmed that croys tofor on his heved;20
The bounden body felle adoune, as hit were ded.
The maide hete unbynd hym anon in al wyse,
And suth hym a Godes name hole and sounde to aryse.21
Hol and sounde the man aros and hered God almyght
And that mayde that hym delyvered of that foule wyght.22
As heo yede a day in the toune, a mysel heo mette.
To hure the mysel felle adoune, and on knes hure grette,
And bysoght that lady that heo hym cusse scholde.
Heo custe hym, and he was hole, ryght as God hit wolde.
Fele miracles by hure lyve of hure weren ycude,
And suth after hure deth; hii neren noght yhud.23
Heo wend out of this world a morwe up Lukes day.
Now God ous bringe to the blysse that He broght that may!24 Amen.
was called; (see note); (t-note)
Very; by all classes in society
begun [to build] earlier; (see note)
who had the church built
seemed to him no disgrace; (see note)
cut her [hair]; companions; (see note); (t-note)
One night; by herself; (see note)
prayers; sisters all asleep
clothes adorned with beaten gold
the one to whom you pray
on his head
promised; she; honor him
Go away; promise
chosen; amazingly wicked
sent for; as [his] wife; (see note)
throughout her life
promise; would not
gift or; servant
force; seized; (see note)
citizens; sorely afraid
would give; their
their; her prayer
acted angry when; (see note)
seek [and find]
possess; Vigorously; boast
to go; furious
lady went; sisters then
some; two; more
is always called
for seven years; see; (see note)
on [her] knees
eyes; washed; from
whole; (see note)
furious; (see note)
As soon as; intended
where; Men told him; fact
hawk; hunting dog
stumbled outside; (see note)
There was none; dared
herself; peace; enemies (foes)
began to rave
one; killed (slew)
when; collapsed; gnawed
not easily; effort; tied up
careful; evil spirit
so that; would pray
tied-up body; as though
told [them] to untie him
walked once; leper; (see note)
kissed; healed; just
on the day after; [St.] Luke's; (see note)