Additional Information:
"Richesse a robe of purpre on hadde, Ne trowe not that I lye or madde; For in this world is noon it liche, Ne by a thousand deel so riche, Ne noon so fair; for it ful wel With orfrays leyd was everydel, And portrayed in the ribaninges Of dukes stories, and of kinges. And with a bend of gold tasseled, And knoppes fyne of gold ameled. Aboute hir nekke of gentil entaile Was shet the riche chevesaile, In which ther was ful gret plentee Of stones clere and bright to see." (p. 254) "And after on the daunce wente Largesse, that sette al hir entente For to be honourable and free; Of Alexandres kin was she; Hir moste joye was, ywis, Whan that she yaf, & seide Have this. Not Avarice, the foule caytyf, Was half to grype so ententyf, As Largesse is to yeve and spende." (p. 254)