Additional Information:
"Whyle that I stille recordede thise thinges with myself, and markede my weeply compleynte with office of pointel, I saw, stondinge aboven the heighte of myn heved, a woman of ful greet reverence by semblaunt, hir eyen brenninge and cleerseinge over the comune might of men . . . Hir clothes weren maked of right delye thredes and subtil crafte, of perdurable matere; the whiche clothes she had woven with hir owene hondes . . . In the nethereste hem or bordure of these clothes men redden, ywoven in, a Grekissh P, that signifyeth the lyf Actif; and aboven that lettre, in the heyeste bordure, a Grekissh T, that signifyeth the lyf Contemplatif. And bitwixen these two lettres ther weren seyn degrees, nobly ywroght in manere of laddres . . . And whan she say thise poetical Muses aprochen aboute my bed, and endytinge wordes to my wepinges, she was a litel amoved, and glowede with cruel eyen." (p. 324)